Ministri i Mbrojtjes, Armend Mehaj ka shprehur keqardhje për ushtarin hungarez të cilit për shkak të lëndimve të marra në veri, i është amputuar këmba.

Mehaj përmes një postimi në Facebook, u ka uruar rikuperim të sa më parshëm të 26 ushtarëve të palgosur hungarezë, shkruan Arbresh.info.

“Shpreh keqardhjen time me rastin e pranimit të informacionit se ushtarit hungarez të KFOR-it, të lënduar nga ane e grupeve kriminale serbe gjatë protestave në Zveçan, për shkak të gjendjes së rënduar shëndetësore është dashur që t’i amputohet këmba nga ana e mjekëve të Institutit Kombëtar të Rehabilitimit Mjekësor në Hungari.”, shkroi Mehaj.

“Uroj që 26 ushtarët tjerë hungarez të plagosur sa më parë të rikuperohen, e të vazhdojnë angazhimin e tyre në kuadër të misionit të KFOR-it.”, shkroi ai.

Tutje, ministry Mehaj tha se grupet kriminale përgjgejëse për sulmin ndaj pjesëtarëve të KFOR-it duhet të marrin dënimin e merituar.

“Grupet kriminale përgjegjëse për sulmin ndaj pjesëtarëve të KFOR-it duhet të marrin dënimin meritor, ngase dhuna është e papranueshme dhe asnjë formë nuk mund të zmbraps ushtrimin e rendit e ligjit, mjeteve demokratike të pakontestueshme, të drejta e të domosdoshme për sigurinë e vendit dhe të qytetarëve të Republikës së Kosovës.”, u shpreh ministri i Mbrojtjes./Arbresh.info.

Lexo edhe:

Media hungareze: I amputohet këmba ushtarit të KFOR-it që u plagos gjatë tensioneve në Zveçan